Масква: студэнты-дантысты выйшлі на марш з паходнямі


Студэнты Стаматалагічнага ўніверсітэту Масквы зладзілі марш з паходнямі ў гонар студэнтаў і прафесараў, якія загінулі ў Вялікай Айчыннай вайне.

Студэнты апранулі белыя халаты і сабраліся ля ўваходу ва ўніверсітэт. Яны мелі 65 паходняў, што сімвалізавалі колькасць загінулых на вайне студэнтаў і выкладчыкаў універсітэту. Удзельнікі прайшлі маршам па адной з цэнтральных вуліцаў расейскай сталіцы, калону ачольвалі студэнткі з бубнамі ды студэнты, пераапранутыя ў савецкую вайсковую форму часоў Другой сусветнай вайны.

Такі марш праводзіцца ўжо сёмы год запар. Пры гэтым некаторыя расейскія блогеры абвінавачваюць арганізатараў акцыі ў падабенстве да папулярных у нацысцкай Нямеччыне маршаў з паходнямі ў гонар Адольфа Гітлера.

belsat.eu
https://youtu.be/XTKTc3vlaRs

Глядзі таксама
Каментары