На наступным тыдні на поўначы Беларусі ноччу магчымыя першыя травеньскія замаразкі.
Пра гэта паведаміў начальнік службы гідраметэаралагічных прагнозаў Рэспубліканскага гідраметэацэнтру Дзмітрый Рабаў падчас відэабрыфінгу 30 красавіка на інфармацыйна-аналітычным партале Саюзнай дзяржавы (www.soyuz.by).
Паводле яго, на гэтым тыдні будзе халадней, чымся ў апошнія дні красавіка, ды будуць большыя кантрасты тэмпературы паветра паміж поўначчу і поўднем Беларусі.
Сіноптык кажа, што ў сераду, 2 траўня, будзе пераважна без ападкаў, толькі днём па Берасцейскай вобласці месцамі прагназуюцца кароткачасовыя дажджы. Ноччу і раніцаю слабы туман. Тэмпература паветра ноччу плюс 1–7°С, днём плюс 12–20°С. На паўднёвым захадзе плюс 8–12°С, днём плюс 21–28°С.
Як паведаміў Рабаў, у чацвер месцамі пройдуць кароткачасовыя дажджы і навальніцы. Тэмпература паветра ноччу складзе плюс 4–11°С, днём 19–20°С. На паўднёвай палове ноччу плюс 12–15°С, днём 21–27°С.
Паводле сіноптыка, у пятніцу ноччу чакаецца надвор’е пераважна без ападкаў, днём месцамі кароткачасовыя дажджы, навальніцы. Тэмпература паветра ноччу месцамі плюс 2–9, па поўдні да плюс 10–13°С. На паўночнай палове магчымыя першыя замаразкі да 0°С – мінус 2°С. Днём ад плюс 12°С па поўначы да плюс 24°С па поўдні.
У выхадныя на тэрыторыю Беларусі зноў пачне паступаць больш цёплае паветра, аднак яно будзе вільготнае. Таму ў суботу на большай частцы краіны, а ў нядзелю месцамі чакаюцца кароткачасовыя дажджы і навальніцы. Тэмпература паветра ў суботу ноччу плюс 7–14°С, днём плюс 13–20°С, на паўднёвым усходзе да плюс 26°С. У нядзелю ноччу плюс 5–12°С, днём плюс 13–20°С, па паўднёвым усходзе да плюс 25°С.
belsat.eu