Новаўвядзенне: Замест лекараў прыём будуць весці памочнікі


https://youtu.be/1tlSD1D3LfQ
Каб разгрузіць дактароў, прыдумалі новую пасаду.

Паводле галоўнага тэрапеўта Міністэрства аховы здароўя Беларусі Вадзіма Сушынскага, такая захада зробіць медычную дапамогу больш даступнаю. Пра гэта ён распавёў 4 красавіка на прэс-канферэнцыі ў Менску.

“Кваліфікацыя такога работніка дазволіць яму праводзіць унутрымышачныя ін’екцыі, вымяраць артэрыяльны ціск, весці дынамічнае назіранне і комплекснае абследаванне, каб пацыент прыйшоў да доктара ўжо абследаваны – гэта зэканоміць час”, – растлумачыў медык.

Ён паведаміў, што ў Беларусі пражывае больш за 1,8 млн людзей сталага веку. “Калі старэйшых за 65 гадоў у структуры насельніцтва больш за 7 %, такая краіна лічыцца дэмаграфічна старою. У нашай краіне доля сталых людзей складае 14 %. Менавіта такая дэмаграфічная структура характэрная для большасці еўрапейскіх краінаў. Такім чынам, актуальнасць працы з людзьмі сталага веку, несумненна, высокая”, – адзначыў Сушынскі.

belsat.eu

Глядзі таксама
Каментары