Апытанне: будзем яднацца?


https://youtu.be/us4NX_f83Nc
Сёння, 2 красавіка, у Дзень яднання Беларусі і Расеі, Аляксандр Лукашэнка заявіў, што «Саюз Беларусі і Расеі стаўся сапраўдным флагманам інтэграцыйных працэсаў на постсавецкай прасторы».

Кіраўнік Беларусі ўпэўнены, што працяг курсу на аб’яднанне дзвюх краінаў спрыяе інтарэсам грамадзянаў Расеі і Беларусі. З ім згаджаецца прэзідэнт Расейскай Федэрацыі Дзмітрый Мядзведзеў і бачыць гарантыю стабільнасці еўрапейскай прасторы ў больш шчыльнай інтэграцыі.

«Белсат» запытаў у берасцейцаў, ці прагнуць яны саюзу так, як кіраўнікі краінаў.

«Нам? Нам ужо нічога не хочацца. Ні яднацца, ні чагосьці там яшчэ. Я нават не ведаю – да чаго нам імкнуцца і што далей рабіць», – поўны фаталізму малады чалавек.

«Ну, да Расеі. Ну як, ужо даўно пры СССР былі аб’яднаныя. Думаю, што нічога дрэннага не было б, калі б гэтыя краіны аб’ядналіся», – кажа чарговы апытаны.

«Я нават не ведаю. Мне падаецца, што ўсе краіны СНД неяк звязаныя. Хто б што ні казаў пра незалежнасць – тонкая ніць сувязі паміж намі ёсць. Таму казаць пра незалежнасць – гэта занадта гучныя словы», – кажа жанчына.

«У Расеі бязладдзе такое, што як сама была, то бачыла, што не вельмі добра ў іх жывецца, дый у нас не лепей. Лепш, каб Беларусь была незалежная, але не з гэтым прэзідэнтам», – кажа студэнтка.

«Вядома, Расея – я быў там шмат разоў, родныя ж браты. Расея мне падабаецца, што заможная краіна, парадку болей, чымся ў Беларусі – наш прэзідэнт шмат абяцае і нічога не робіць», – кажа пажылы мужчына.

belsat.eu

Глядзі таксама
Каментары