За праваабаронцу заступіліся тыя, каму калісьці дапамог ён сам.
На кампенсацыю шкоды, што праваабаронца нібыта спрычыніў дзяржаве, грошы дасылаюць людзі, якім калісьці дапамог праваабарончы цэнтр “Вясна”: палітвязні ды іхныя родныя. Пра гэта распавяла праваабаронца Таццяна Равяка. Нямала сродкаў на падтрыманне Алеся Бяляцкага прыходзіць ад грамадскіх і палітычных дзеячаў, калегаў, сяброў і знаёмых кіраўніка “Вясны”. Аднак шмат якія прозвішчы праваабаронцам не вядомыя. Сумы ў квітанцыях розныя – ад Br 20 тыс. да 10 млн.
29 снежня на рахунку было ўжо больш за Br 600 млн (больш як $ 70 тыс.).
Сям’я і калегі Алеся Бяляцкага выказваюць вялікую ўдзячнасць усім, хто змог дапамагчы зняволенаму праваабаронцу, а таксама тым, хто ў гэтыя цяжкія для яго дні падтрымліваў маральна, дасылаючы лісты і паштоўкі ў турму.
Сума, якую на рашэнне суда Алесь Бяляцкі мусіць выплаціць, складае 757 млн 526 тыс. 717 руб. (каля $ 90 тыс.). Жонка Бяляцкага Наталля Пінчук адзначае, што калі на рахунак паступіць больш сродкаў, яны пойдуць на аплату падатку, які яна абавязаная выплаціць (12 % ад агульнай сумы).
Пералічваць грошы, каб пагасіць “нанесеную дзяржаве школу”, неабходна на рахунак, адчынены на імя Наталлі Пінчук.
Рэквізіты рахунку: Філіял № 529 «Белсувязь» ААТ «АСБ Беларусбанк», код банку 720
Код плацяжу 3819382100776
Р/р 01053568
Від плацяжу: ахвяраванне (альбо дабраахвотны плацёж)
Атрымальнік плацяжу: Пінчук Наталля Сяргееўна.
belsat.eu