У Смаргоні падчас выступу Някляева па БТ адключылі электрычнасць


Землякі не змаглі ўбачыць кандыдата па тэлевізары.

Як паведамляе Праваабарончы цэнтр “Вясна”, 26 лістапада, праз дзве хвіліны пасля пачатку тэлевыступу кандыдата на прэзідэнта Уладзіміра Някляева ў смаргонскім мікрараёне Карані раптоўна прапала электрычнасць. Святла не было 47 хвілінаў. Нагадаем, што працягласць выступу кандыдата на БТ складае 30 хвілінаў.

Варта адзначыць, што з болей як 400 смаргонскіх подпісаў за вылучэнне Някляева кандыдатам на прэзідэнта, каля 80% сабралі ў згаданым мікрараёне. Дзяжурны Смаргонскіх раённых электрасетак паведаміў, што электрычнасці не было, бо парваўся кабель.

Смаргонскія праваабаронцы Ірына Вештард і Алесь Дзергачоў будуць дамагацца, каб сарваны тэлевыступ жыхарам Каранёў паказалі ў запісе.

belsat.eu

Глядзі таксама
Каментары