Міністр замежных справаў Польшчы агучыў свае зычэнні для палітычных зняволеных у Беларусі ды ўсёй грамадзянскай супольнасці.
“Нягледзячы на шматлікія нягоды, я зычу вам і вашым самотным сем’ям шчаслівых Калядаў. Раство – гэта час, які мы праводзім са сваімі блізкімі. Вы не атрымалі такога шанцу, але вашая мужная пазіцыя дарыць надзею іншым беларусам”, – напісаў Радослаў Сікорскі ў адмысловым віншаванні для палітвязняў Беларусі.
Сярод тых, каму былі накіраваныя словы міністра: зняволеныя ў вязніцах, у вельмі цяжкіх умовах былыя кандыдаты на прэзідэнта – Мікалай Статкевіч і Андрэй Саннікаў і вядомы абаронца правоў чалавека Алесь Бяляцкі. Падобныя зместам лісты Сікорскі даслаў лідарам дэмакратычных рухаў і праваабаронцам – сярод іх Уладзімір Някляеў, Аляксандр Мілінкевіч, Віталь Рымашэўскі, Анатоль Лябедзька і Станіслаў Шушкевіч.
“Увесь дэмакратычны свет з вамі, – кажа спадар Сікорскі. – Паводле польскага звычаю, трэба пакінуць вольнае месца за святочным сталом. Сёлета яно будзе нагадваць мне пра маіх беларускіх сяброў”.
belsat.eu