Астатні рынак запоўняць айчыннаю прадукцыяй. Гэта прадугледжвае праект Стратэгіі развіцця фармацэўтычнай галіны на перыяд да 2020 г.
Першы віцэ-прэм’ер Уладзімір Сямашка адзначае, што дзякуючы мадэрнізацыі фармацэўтычнай галіны сёння ў Беларусі выпускаюцца лекі практычна ўсіх фармацэўтычных групаў. “Доля лекаў беларускай вытворчасці ў рэспубліцы даведзеная да 41%, а наменклатура прадукцыі, што выпускаюць нашы фармпрадпрыемствы, складае 626 найменняў”, – заявіў чыноўнік.
Тым не менш, востра стаіць праблема “бруднай прамысловасці” на беларускіх фармацэўтычных прадпрыемствах. Як адзначыў у інтэрв’ю “Белсату” прафесар, доктар медычных навук Генадзь Гадавальнікаў, большасць сённяшніх лекаў не вытрымлівае канкурэнцыі ні з польскімі, ні з вугорскімі, ні нават з украінскімі прэпаратамі.
“Нашыя лекі маюць вельмі моцныя пабочныя эфекты. То бок беларускія антыбіётыкі дапамагаюць вылечыць пнеўманію, але чалавек пасля гэтага яшчэ месяц будзе змагацца з пабочнымі эфектамі і суправаджальнымі хваробамі. Стрымліванне замежных лекаў пакуль немэтазгоднае. Эканамічна Беларусь выйграе, але на 50% перайсці на лячэнне айчыннымі сродкамі проста небяспечна: вытворчасць не тая, мадэрнізацыя запаволеная, навуковыя распрацоўкі марудныя”, – падкрэсліў эксперт.
belsat.eu