Пра гэта бізнесовец заявіў сёння, 12 снежня. Прохараў падкрэслівае, што “не будзе будаваць кампаніі на крытыцы ўладаў”.
Раней мільярдэр планаваў ачоліць партыю “Правое дело”, аднак у выніку канфлікту з уладамі быў выключаны з чальцоў партыі.
“Я прыняў рашэнне: гэта, напэўна, самае сур’ёзнае рашэнне ў маім жыцці. Я іду на прэзідэнцкія выбары. Як вы памятаеце, Крэмль знес мяне і маіх паплечнікаў з “Правого дела”, і мы не здолелі зрабіць таго, што хацелі. Не маю такой звычкі – сыходзіць з свайго шляху. Таму гэтыя два з паловаю месяцы мы не проста сядзелі, мы вельмі ціха і спакойна працавалі ды збудавалі ўсю інфраструктуру, каб сабраць 2 мільёны подпісаў”, – кажа Прохараў.
Бізнесовец не агучыў сваёй выбарчай праграмы – ён абяцае зрабіць гэта пасля рэгістрацыі ў Цэнтрвыбаркаме.
belsat.eu
