Жыхарка Гомля спрабавала завербаваць міліцыянтаў у якасці інфарматараў. Жанчыне «па працы» патрэбная была аператыўная інфармацыя пра смяротныя выпадкі.
Гомельская міліцыя паведамляе, што жанчыне патрэбная была такая інфармацыя дзеля таго каб апярэдзіць канкурэнтаў у пахавальным бізнесе.
«У сваіх абяцаннях бізнес-вумен не скупілася: за кожны званок абяцала па Br 600 тысяч. А ў мэтах бяспекі для каналу інфармацыі прапаноўвала SIM-карткі, зарэгістраваныя на памерлых людзей», – паведамляе Гомельскае УУС.
Паводле праваахоўнікаў, жанчына шукала інфарматараў сярод міліцыянтаў, якія нядаўна пачалі працаваць.
Падчас спробы перадачы хабару аператыўнікі затрымалі мужы прадпрымальніцы, а пазней і ўласна жанчыну.
Міліцыянты канстатуюць, што гэта не першы выпадак, калі за інфармацыю пра смерць прадпрымальнікі гатовыя плаціць. Хабары за такія паведамленні прапаноўваюць працаўнікам моргаў, брыгада хуткай дапамогі.
МЛ, belsat.eu
