Галыгін і Міцько прэзэнтуюць “Падарунак”


https://youtu.be/jzeuSErNdwc
Самае вялікае задавальненне для музыкантаў — убачыць вынікі сваёй працы. Далейшы лёс альбома ўжо менш цікавы. Аб гэтым шоумен Вадзім Галыгін заявіў на прэс-канферэнцыі, прысвечанай выхаду альбома “Падарунак”, запісанага ім сумесна з гуртам “Лепрыконсы”.

Паводле яго слоў, сама назва альбома адлюстроўвае яго сутнасць — зрабіць падарунак не толькі для слухачоў (альбом можна бясплатна спампаваць у інтэрнэце), але і для выканаўцаў. Многія кампазіцыі ў “Падарунку” напісаны ў стылістыцы любімых музыкантаў шоумена. “Так што там у песнях вы пачуеце ўплыў не толькі “Лепрыконсаў”, але і “Кіно”, Depeche Mode, “Тэхналогіі”, “Жукоў” і нават Горана Брэгавіча”, — сказаў лідар “Лепрыконсаў” Ілья Міцько.

“Калі Вадзім прынёс накіды для альбома, адразу стала зразумела, што ён слухаў апошнія 10 гадоў. Так склалася ідэя — кожная кампазіцыя стане падарункам ад Вадзіма Галыгіна пэўнаму выканаўцу”, — адзначыў Міцько.

У ходзе прэс-канферэнцыі Ілья Міцько і Вадзім Галыгін выканалі песню “Толькі ты” з новага альбома.

belsat.eu
https://youtu.be/Qie007ZltPo

Глядзі таксама
Каментары