Двое затрыманых у мінулую пятніцу ўдзельнікаў несанкцыянаванай акцыі, якая праходзіла на Кастрычніцкай плошчы ў Менску, асуджаныя да адміністратыўнага арышту: Аляксандр Валанцэвіч – на 7 дзён, Сяргей Чаравяка – на 5 дзён.
Як паведамляла прэс-служба ГУУС Менскага гарвыканкаму, працаўнікі міліцыі ў мінулую пятніцу затрымалі трох удзельнікаў несанкцыянаванай акцыі на Кастрычніцкай плошчы.
У прэс-службе паінфармавалі, што на дваіх з іх складзеныя адміністратыўныя пратаколы паводле арт.23.34 КаАП – “Парушэнне парадку арганізацыі або правядзення масавага мерапрыемства або пікетавання”.
Як заявілі ў ГУУС, у мінулую пятніцу на Кастрычніцкай плошчы “для правядзення несанкцыянаванай акцыі сабраліся 8 чалавек. Іхныя дзеянні прыбылі асвятляць 35 прадстаўнікоў айчынных і замежных сродкаў масавай інфармацыі”.
Паводле Сяргея Чаравякі, жанчыну, затрыманую разам з імі, адпусцілі ў той жа дзень.
belsate.eu