У штаце Паўднёвая Аўстралія праходзяць спаборніцтвы паміж аўтамі на сонечных батарэях.
37 незвычайных аўтаў удзельнічаюць у гонцы на адлегласць 3 тыс. км паміж гарадамі Дарўін і Эдэлаід. Наперад выходзіць японская каманда «Tokai», якая першаю дабралася да Паўднёвай Аўстраліі: моцны вецер зносіў машыны, што ехалі наперадзе.
На другім месцы – каманда «Nuon» з Нідэрландаў. Кіраўнік каманды Пір ван Зонэвэлд мяркуе, што ў іх ёсць магчымасць наблізіцца да лідара гонкі. На 80 км ад каманды з Нідэрландаў адстае экіпаж з Мічыганскага ўніверсітэту, якому ўсё яшчэ даводзіцца пераадольваць дым ад пажараў у кустоўі, што замінае руху.
Сонечныя аўтамабілі, паводле плану, дасягнуць канечнай кропкі маршруту, гораду Эдэлаід, заўтра, 20 кастрычніка.
belsat.eu