Партыі БНФ дазволілі правесці з’езд у Палацы культуры МТЗ


Адпаведны пісьмовы дазвол партыя атрымала ад Менгарвыканкаму, паведаміў яе лідар Аляксей Янукевіч.

“Чарговы з’езд Партыі БНФ пачне сваю працу 10 верасня, пры неабходнасці ён можа працягнуцца на наступны дзень”, – сказаў ён. Плануецца, што ў ім возьмуць удзел прыкладна 230 дэлегатаў з усіх вобласцяў краіны ды Менску.

Асноўныя пытанні з’езду: абранне новага кіраўніцтва партыі, унясенне змяненняў у статут, а таксама разгляд стратэгіі дзейнасці арганізацыі на бліжэйшыя два гады.

У прыватнасці, змены ў статут Партыі БНФ маюць абмежаваць старшынёўства ў ёй да двух тэрмінаў. Акрамя таго, плануецца павялічыць тэрмін старшынёўства ў партыі з двух да трох гадоў.

belsat.eu

Глядзі таксама
Каментары