20 гадоў незалежнай Беларусі


https://youtu.be/r62JzgNCzoo
https://youtu.be/NBoapmnJu5E
21 жніўня 1991 года пазачарговая сесія Вярхоўнага Савету БССР прыняла закон “Аб наданні статусу канстытуцыйнага закону Дэкларацыі Вярхоўнага Савету БССР аб Дзяржаўным суверэнітэце”.

“20 гадоў таму адбылася найвялікшая падзея ў нашай гісторыі за апошнія 200 гадоў”, – кажа адзін з заснавальнікаў Беларускага Народнага Фронту, дэпутат Вярхоўнага Савету 12 склікання Зянон Пазняк.

У той дзень на плошчу Леніна выйшлі дзясяткі тысячаў чалавек, а дэпутаты БНФ унеслі ў зал паседжанняў Вярхоўнага Савету бел-чырвона-белы сцяг.

“У той час грамадства было на ўздыме, – успамінае Зянон Пазняк. – Была створаная нацыянальная гвардыя, і людзі нас падтрымлівалі. Іхныя воклічы было чуваць у зале паседжання, і гэта ўплывала. Так што свабоду мы здабывалі разам: і тыя, хто быў на плошчы, і тыя, хто быў у зале”, – кажа спадар Пазняк.

Рашэнне аб змене назвы краіны з БССР на Рэспубліка Беларусь прынялі 19 верасня таго ж года, разам з пастановай аб дзяржаўных сімвалах: дзяржаўным сцягам абвесцілі бел-чырвона-белы сцяг, а гербам – Пагоню.

Як паказала апытанне “Белсату” па 20 гадах пасля атрымання незалежнасці, далёка не кожны мянчук узгадае тыя падзеі, але некаторыя нават і не лічаць гэтую дату святочнаю.

belsat.eu

Глядзі таксама
Каментары