У райсудах Менску разглядаюцца адміністратыўныя справы затрыманых у “маўклівую сераду” 20 ліпеня. Сярод арыштаваных – працаўніца “Белсату” Аляксандра Клімовіч. Суддзя Валер Есьман вынес рашэнне пакараць яе 11 соднямі адміністрацыйнага арышту.
У судзе Менскага раёну г. Заслаўя (які зараз знаходзіцца па вул. Маякоўскага, 119) будуць разглядацца адміністратыўныя справы супраць чатырох чалавек, затрыманых учора ў Заслаўі. На Івана Івончыка, Андрэя Клюкіна, Юрыя Паўлава і яшчэ аднаго іхнага сябра склалі пратаколы паводле артыкулу 23.4 КаАП за непадпарадкаванне супрацоўнікам міліцыі – паведамляе сайт праваабарончага цэнтру “Вясна”.
У судзе Ленінскага раёну Менску будуць разглядацца адміністратыўныя справы супраць затрыманых ужо пасля акцыі маладых людзей, якія прыйшлі на канцэрт у клуб “6А”. Сярод іх – Даніла Цеплякоў-Шугалей, Мікіта Перагуд, Яўген Тарасевіч, Юрый Рыбянец, Сяргей Баловін, Козіч Кірыл. Усяго затрымалі больш за 10 чалавек.
У судзе Цэнтральнага раёну Менску будуць разглядацца адміністратыўныя справы супраць затрыманых учора падчас акцыі, якіх даставілі ў Цэнтральны РУУС сталіцы. Пакуль у суд прывезлі 13 чалавек. Усіх абвінавачваюць паводле артыкулу 23.34 КаАП (парушэнне парадку арганізацыі і правядзення масавага мерапрыемства і пікетавання). Сведкі цвердзяць, што абвінавачаныя заміналі праходзіць грамадзянам па вуліцы.
Праваабаронцам ужо вядомыя рашэнні ў справах некаторых затрыманых:
Бандарэнка Вольга – 10 содняў (суддзя Свістунова)
Ліхавід Алена – 10 содняў (суддзя Вайцюховіч)
Шапавалаў Павел – 12 содняў (суддзя Шайко)
Іванюк Яўген – 12 содняў (суддзя Шайко)
Белус Дар’я (суддзя Шабуня Віктар)
Аніскевіч Сяргей – 10 содняў (суддзя Шабуня Віктар)
Буянаў Дзмітрый (суддзя Вайцюховіч)
Комар Д. Л. (суддзя Бычко)
Хіневіч Сяргей – 10 содняў (суддзя Есьман Валер)
Хіневіч Вольга (суддзя Вайцюховіч)
Хіневіч Уладзімір – 10 содняў (суддзя Есьман Валер)
Клімовіч Аляксандра – 11 содняў (суддзя Есьман Валер)
Руская Вольга – 11 содняў (суддзя Свістунова, сведкі – прапаршчык ПМСП Лапацін Аляксандр, стар. сярж. ПМСП Падгубай Андрэй)
belsat.eu