Наталля Гарачка: Праз гэтае бяссілле я стала перад мікрааўтобусам


Жыхарка Менску, пабачыўшы брутальнае затрыманне аднаго з удзельнікаў маўклівай акцыі, спрабавала спыніць мікрааўтобус, куды асобы ў цывільным зацягнулі маладога мужчыну.

“Я выходзіла з падземнага пераходу і звярнула ўвагу на людзей крымінальнага выгляду, у аднаго з якіх была рацыя. І тут яму праз рацыю перадалі, што кагосьці трэба затрымліваць, – кажа Наталля Гарачка. – Яны ўсе наваліліся на маладога чалавека, нават немагчыма было разглядзець твару”.

Спадарыня Наталля пачала клікаць людзей на дапамогу, аднак спыніць міліцыянтаў у цывільным не ўдалося. “Раптам пад’ехала машына без нумароў, і туды яго запіхалі. Нічога немагчыма было зрабіць. Праз гэтае бяссілле я стала проста перад мікрааўтобусам, але потым мяне адцягнулі, і ён паехаў”, – распавяла Наталля Гарачка журналістам “Белсату”.

belsat.eu

https://youtu.be/uYsF4mK33ec

Глядзі таксама
Каментары