Акцыя «Белсату» «Салідарныя з палітычнымі вязнямі»


Дырэктарка тэлеканалу “Белсат” Агнешка Рамашэўская-Гузы: “Быць зачыненым у чатырох сценах – гэта не самае страшнае, бо свабода – знутры нас, а не звонку. Самае страшнае – пачуццё самоты ды страх за сям’ю, таму ўсе мы мусім словам і дзеяннем праяўляць салідарнасць з палітычнымі вязнямі ў Беларусі”.

У межах адмысловай акцыі тэлебачання “Белсат” больш за трыццаць вядомых асобаў Беларусі ды свету выступяць з пасланнямі да беларускіх палітычных зняволенных.

Кароткія ролікі будуць паказвацца штодзённа пасля галоўнага выдання «Аб’ектыву» а 21:25. А таксама пасля паўтораў галоўнага выдання інфармацыйнай праграмы «Белсату» напрыканцы эфіру і раніцай а 7:20. Кліпы таксама будуць размешчаныя на сайце тэлеканалу www.belsat.eu.

Гледачы і прыхільнікі “Белсату” могуць далучыцца да акцыі ды даслаць свае ролікі са словамі падтрымання беларускіх палітзняволеных на адрас salidarnasc@belsat.eu. Ліст мае змяшчаць вашую пісьмовую згоду на бязвыплатнае змяшчэнне відэазвароту на старонцы www.belsat.eu, а таксама ў эфіры тэлеканалу.

Праглядзець усе ролікі можна тут.

belsat.eu

Стужка навінаў