15 чэрвеня актывіста не прызнанага ўладамі Саюзу палякаў Беларусі, журналіста Ігара Банцара пакаралі пяцідзённым адміністрацыйным арыштам. Справа разглядалася за зачыненымі дзвярыма.
Яго затрымалі 14 чэрвеня, калі ён ішоў у Ленінскі суд, каб падтрымаць свайго калегу Андрэя Пачобута, і абвінавацілі ў дробным хуліганстве. Справу мелі разгледзець у той жа дзень, але Банцар запатрабаваў адваката.
Учора, 14 чэрвеня, у суд Ленінскага раёну Горадні пачаў разглядаць крымінальную справу супраць актывіста Саюзу палякаў, журналіста польскага выдання “Gazeta wyborcza” Андрэя Пачобута. Яго вінавацяць у абразе Аляксандра Лукашэнкі і паклёпе на яго. За гэта пагражае ад двух да чатырох гадоў зняволення. Працэс абвешчаны закрытым. Падтрымаць журналіста прыйшлі каля 50 чалавек. Разгляд справы перанеслі на 17 чэрвеня.
belsat.eu