У Беларусі з 1 ліпеня 2016 года будзе праведзеная дэнамінацыя, закрэсляць чатыры нулі і выпусцяць манеты

video

Аляксандр Лукашэнка падпісаў указ №450 «Аб правядзенні дэнамінацыі афіцыйнай грашовай адзінкі Рэспублікі Беларусь». Пра гэта паведамляе прэс-служба кіраўніка Беларусі.

Указам пастанаўляецца правесці з 1 ліпеня 2016 дэнамінацыю грашовай адзінкі Рэспублікі Беларусь і зрабіць замену да 31 снежня 2016 года грашовых знакаў узору 2000 года ў выглядзе банкнотаў на грашовыя знакі 2009 года ў выглядзе банкнотаў і манетаў у суадносінах 10 тыс. рублёў 2000 года да 1 рубля ўзору 2009 года.

Першы раз дэнамінацыя беларускага рубля адбылася 20 жніўня 1994 г. Дэнамінацыя была 10-кратнай. Больш буйной стала дэнамінацыя, якая праводзілася 1 студзеня 2000 г. Тады адбылася дэнамінацыя ў 1000 разоў. Будучая дэнамінацыя 1 ліпеня 2016 г. будзе самай маштабнай. Старыя грошы на новыя будуць мяняць у суадносінах 10 000 рублёў да 1 рубля. Нас чакае дэнамінацыя ў 10 000 разоў.

Чытайце таксама >>> Леанід Злотнікаў: Уводзіць капейкі няма сэнсу, бо яны хутка абясцэняцца

Так будуць выглядаць новыя грошы, якія ўвойдуць у абарачэнне з 1 ліпеня 2016 года.

НМ, ЮВ, belsat.eu

Глядзі таксама
Каментары