Праект дзяржаўнай праграмы развіцця энергасістэмы на 2011–2015 гады прадугледжвае скасаванне ільготаў для насельніцтва на аплату электраэнергіі.
Да 2012 года прадугледжваецца адмена ільготных цэнаў на газ і тарыфаў на электраэнергію для асобных юрыдычных асобаў і прадпрымальнікаў. Цалкам ліквідаваць ільготныя кошты на газ плануецца да 2013 года, а ў тарыфах на цеплавую і электрычную энергію – да 2014 года. Пра гэта паведаміў міністр энергетыкі Беларусі Аляксандр Азярэц, прэзентуючы 5 кастрычніка дакумент прэзідыуму Савету Міністраў.
Міністр энергетыкі таксама паведаміў, што прыкладна 3,9 млрд долараў мяркуецца вылучыць на будаўніцтва і рэканструкцыю ўласных магутнасцяў у вытворчасці электраэнергіі. Паводле Аляксандра Азярца, гэта плануецца ажыццявіць за кошт крэдытаў Кітаю і еўрапейскіх краінаў.
belsat.eu
