Гэтым святам завяршаецца цыкл летніх сельскагаспадарчых работ. У цэрквах вернікі асвячаюць плады новага ўраджаю — яблыкі, грушы, слівы.
Сёння адно з галоўных праваслаўных святаў – Божае Перамяненне, якое ў народзе называюць яблычным Спасам.
{movie}Як беларусы святкуюць яблычны Спас? |right|17986{/movie}
Паводле Пісання, у гэты дзень Ісус Хрыстос гутарыў з прарокамі Майсеем і Іллём пра надыходзячую ахвяру на Галгофе.
Народная легенда гаворыць, што ў дзень яблычнага Спасу Бог адорвае душы ўсіх памерлых дзяцей райскімі яблыкамі.
У народзе Спас лічылі днём адлёту буслоў у вырай. Адлёт буслоў перад Спасам сведчыў пра раннюю марозную зіму і цяплейшую вясну; калі адлёт быў пасля Спаса — восень цёплая, зіма позняя, а вясна халодная.
Зараз у праваслаўных вернікаў Успенскі пост (14-28 жніўня). У апошні дзень адзначаецца Спачын Найсвяцейшай Багародзіцы.
А 29 жніўня святкуюць апошні, трэці Спас, які мае розныя назвы: хлебны Спас, арэхавы Спас, Спас на палатне.
ДР, belsat.eu