Савет Рэспублікі збіраецца на адмысловае паседжанне, на якім плануюць пазбавіць недатыкальнасці члена верхняй палаты беларускага парламенту ад Магілёўскай вобласці.
Сесія пройдзе 14 жніўня, гаворыцца ў нядаўна падпісаным указе кіраўніка Беларусі. У дакуменце пазначана, што пазачарговая сесія склікаецца «для вырашэння пытання аб дачы згоды на ажыццяўленне крымінальнага пераследу ў дачыненні да члена Савета Рэспублікі Нацыянальнага сходу Рэспублікі Беларусь і разгляду пры неабходнасці іншых пытанняў». Аднак імя віноўніка пазачарговай сесіі не называецца.
Зазначым, што раней у беларускіх СМІ паведамлялася, што член савета рэспублікі і магілёўскі бізнесмен Віталь Кастагораў нібыта быў затрыманы супрацоўнікамі праваахоўных органаў непасрэдна на пасяджэнні верхняй палаты Палаты Прадстаўнікоў і пазбаўлены недатыкальнасці.
Пазбавіць недатыкальнасці члена Савета Рэспублікі паводле беларускага заканадаўства толькі са згоды астатніх сенатараў, за выключэннем выпадкаў здзяйснення здрады дзяржаве або іншага асабліва цяжкага злачынства, а таксама затрымання на месцы ўчынення злачынства.
Віталь Кастагораў абраны членам Савета Рэспублікі пятага склікання ад Магілёўскай вобласці. З’яўляецца членам Савета па развіцці прадпрымальніцтва ў Рэспубліцы Беларусь. Ганаровы прадпрымальнік Рэспублікі Беларусь (2003). Чалавек года Магілёўскай вобласці (2002). Лепшы прадпрымальнік года ў намінацыі «Мецэнат» (2001, 2002). Лепшы прадпрымальнік года ў намінацыі «Экспарцёр» (2003). Лепшы прадпрымальнік года Магілёўскай вобласці ў намінацыі «Экспарцёр» (2000, 2001, 2002, 2003, 2007, 2011). Лепшы прадпрымальнік года Магілёўскай вобласці ў сферы вытворчасці спажывецкіх тавараў (2010).
З 25 снежня 1998 года і па цяперашні час з’яўляецца дырэктарам ЗАТ «Палітэкс» – адзін з найбуйнейшых вытворцаў тэкстыльных матэрыялаў у Беларусі.
ЮВ, belsat.eu