Ненавязлівая беларуская мова сярод хіпстараў на востраве (фотарэпартаж)


На выспе Камсамольскага возера ў Менску прайшоў арт-пікнік «Freaky Summer Party’14», дзе шчодра абсыпаліся рознакаляровымі фарбамі Холі, прывезеных адмыслова з Індыі.

Сёлета на «Freaky Summer Party’14» музыкі выступалі на 3-ох музычных сцэнах, а для гасцей арганізатары адкрылі 12 пунктаў з забавамі, адукацыйную і дзіцячую пляцоўкі, а таксама маркет аксесуараў, бары і іншае. У некаторых кавярнях фестывалю пачастункі ненавязліва прапаноўвалі на беларускай мове.

Арт-пікнік наведваюць пераважна прадстаўнікі моладзевай субкультуры хістараў, якія клапоцяцца пра свой вонкавы выгляд ды цікавяцца элітарнай культурай і мастацтвам. Сёлета на арт-пікніку яны мелі магчымасць абсыпаць адно аднаго 30-цю кілаграмамі рознакаляровых фарбаў Холі, якія традыцыйна выкарыстоўваюць у Індыі падчас фестывалю барваў.

Хоць удзельнікі «Freaky Summer Party» мінулых гадоў наракалі на суседства міліцыянтаў, патрабуючы вольнасці ад нагляду, сёлета праваахоўнікаў таксама было багата на імпрэзе.

МЯ, belsat.eu

Глядзі таксама
Каментары