Пітэр Брурт’ес (Pieter Broertjes) у эфіры галандскай радыёстанцыі «Radio 1» падчас інтэрв‘ю заклікаў «выкінуць прэч з краіны» дачку Уладзіміра Пуціна, паведамляе «The Guardian».
Такую рэзкую заяву мэр зрабіў, каментуючы катастрофу малайзійскага авіялайнера ва ўсходняй Украіне.
Аднак пасля эфіру Брурт’ес у сваім «Тwitter’ы» папрасіў прабачэння за свае словы. «Хіба не зусім мудра было рабіць такія заявы адносна дачкі Пуціна. Гэта адбылося з-за пачуцця бездапаможнасці», – напісаў мэр гораду Гільвэрсум.
Як вядома, 29-гадовая Марыя Пуціна жыве ў іншым невялікім галандскім горадзе, Ворсхотэне, які месціцца непадалёк ад Гільвэрсуму (Hilversum), дзе жыве са сваім бойфрэндам, грамадзянінам Галандыі Ёрытам Фаасэнам (Jorrit Faassen).
ЮВ, belsat.eu