23-яя ахвяра аварыі ў маскоўскім метро:У Боткінскай больніцы памерла 24-гадовая масквічка

У Боткінскай больніцы памерла 23-яя ахвяра трагедыі ў маскоўскім метро. 24-гадовая дзяўчына атрымала цяжкія траўмы. Нягледзячы на некалькі аперацыяў, дактары не змаглі яе выратаваць.

Трагедыя ў маскоўскім метро адбылася 15 ліпеня. З рэек сышлі некалькі вагонаў цягніка і ўрэзаліся ў сцяну тунэлю. Загінулі 23 чалавекі, больш за 270 пацярпелі. У шпіталях застаюцца 98 асобаў, трое з іх у вельмі цяжкім стане.

{movie}Аварыя ў маскоўскім метро|right|17603{/movie}

22 ліпеня са сваёй пасады быў звольнены начальнік маскоўскага метрапалітэна Іван Бяседзін. Па факце крушэння ўзбуджаная крымінальная справа. Следства мяркуе, што прычынай аварыі стала няправільная ўстаноўка стрэлачнага механізму.

ДР, belsat.eu