Сёння адкрыецца „Басовішча-2014”


Госці фестывалю не пабачаць Neuro Dubel, але паслухаюць новыя альбомы „Крамы” і IQ48

18-19 ліпеня ў Польшчы ва ўрочышчы Борык у Гарадку, што недалёка ад беларускай мяжы, распачнецца фестываль музыкі маладой Беларусі „Басовішча”. Гэта будзе ўжо 25 фэст.

Сёлета арганізатары не змаглі забяспечыць наведнікаў з Беларусі візамі, як гэта калісьці рабілася. Таксама некаторыя расчараваліся, даведаўшыся, што на канцэрт не прыедуць гурты Neuro Dubel і ТТ-34, як паведамлялася раней. Затое іншыя калектывы, як „Крама” і IQ48, парадуюць слухачоў новымі песнямі. Таксама чакаецца выступ B:N:, Re1ikt, „Тройца”, Лявона Вольскага з дзіцячым праектам 25 АВ-ВА Orkiestra і іншых.

Фестываль „Басовішча” праводзіцца штогод, яго ладзіць БАС – Беларускае аб’яднанне студэнтаў Польшчы.

ЗК, belsat.eu

Фота: Вячаслаў Радыёнаў/ Ultra-Music

Глядзі таксама
Каментары