{movie}Замежнікі пра Беларусь |right|17380{/movie}
Дваццатая гадавіна прэзідэнцтва Аляксандра Лукашэнкі стала нагодаю спраўдзіць, як бачаць Беларусь і яе грамадзянаў найбліжэйшыя суседзі. Па-рознаму да кіравання прэзідэнта Беларусі, як выявілася, ставяцца нават у самым Еўразвязе. Нашае апытанне мы пачалі са сталіцы адной з былых савецкіх рэспублікаў – Літвы.
АПЫТАННЕ, ВІЛЬНЯ
“Калі яго падтрымлівае народ – няхай будзе прэзідэнтам. Ён жа не захапіў улады сілаю. Я не думаю, што ў Беларусі дыктатура. Гэта плёткі”.
“Прэзідэнт і прэзідэнт. Для мяне асабіста ягоная палітыка выглядае добра. Але 20 гадоў прэзідэнцтва – гэта мнагавата”.
“Калі б іншы чалавек заняў гэтую пасаду, быў бы іншы погляд, было б лепш”.
“У Беларусі лепш. Там у людзей ёсць праца, яны зарабляюць”.
Аднак з’ехаць жыць на стала ў Сінявокаю ніхто з апытаных намі жыхароў Вільні не пагадзіўся. Зрэшты, сама Беларусь для грамадзянаў Аб’яднай Еўропы ў якасці сталага месца жыхарства амаль не разглядаецца. Што праўда, цягам мінулага года ў Беларусі амаль удвая павялічылася працоўная міграцыя. У нашай краіне працуе каля двух 20 тыс. замежнікаў, перадусім грамадзянаў Расеі, Украіны, Кітаю.
У іншай заходняй краіне, такой, як Польшча, гледжанне на Беларусь больш адназначнае. З чым атаясамліваецца Сінявокая ў палякаў?
АПЫТАННЕ, ВАРШАВА:
“Я ўзгадваю тыя часы, калі Польшча была пад расейскаю акупацыяй. Беларусь мне атаясамліваецца з дыктатураю, зняволеннем народу”.
“З адсталасцю, ізаляцыяй ад Захаду і Аб’яднанай Еўропы, з адсутнасцю эканамічнай самастойнасці”.
“Гэта краіна тэрору. У мяне ў Беларусі жывуць сваякі. Калі яны прыязджаюць сюды, шкада на іх глядзець”.
Пра пераезд усе сустрэтыя намі варшавякі казалі ў адзін голас:
АПЫТАННЕ, ВАРШАВА:
“Я свабодны чалавек і люблю свабоду, а ў Беларусі гэта б было немагчымае”
“Мне вельмі добра ў Польшчы. Можа, я і не багаты, але шчаслівы, што жыву ў свабоднай краіне. А для мяне гэта найважнейшае!”
Зрэшты, да такой карціны цягам шэрагу гадоў спрычыніўся і сам кіраўнік краіны. У адказ на крытыку з боку Захаду Лукашэнка часта пераходзіць на асобы.
Аднак ад гэтага жыць лягчэй беларусам не стала. Застацца жыць ці з’ехаць з Беларусі – гэта па-ранейшаму адно з галоўных пытанняў грамадзянаў.
АПЫТАННЕ, МЕНСК:
“Калі б была перспектыва з’ехаць і жыць у іншай еўрапейскай краіне, я б з’ехаў з задавальненнем”.
“Нямеччына! Гэта краіна з перспектывамі. Там добрыя заробкі”.
Такія думкі з’яўляюцца, калі цяжка, калі дзяржава выдумляе для нас цяжкасці.
А статыстыка не суцяшае. Усцяж гатовасць пакінуць радзіму ў пошуках лепшага жыцця, паводле незалежных сацыёлагаў, дэкларуюць больш за палову маладых беларусаў.
Ян Бабіцкі, belsat.eu
Нязменны «бацька» святкуе 20-годдзе ва ўладзе. Глядзіце спецвыпуск выдання «Аб’ектыў»