Гэткім “палітычным крэатывам” адзначыўся двор на адной з цэнтральных вуліцаў гораду. У мясцовым ЖЭУ не ведаюць, хто гэта мог зрабіць.
“Нехта з жыльцоў, напэўна, – мяркуе майстар бабруйскага ЖЭУ № 7, якое абслугоўвае двор з размаляванымі кантэйнерамі. – Але як фарбу атрымаем, адразу замалюем усё. Прыбраць не можам, бо куды ж людзі будуць выносіць смецце?”
Галоўны інжынер ЖЭУ Юрый Козел сказаў, што першы раз чуе пра “мастацтва” на кантэйнерах.
“Я не бачыў гэтага. Хто зрабіў? Вядома ж адмарозкі гэтыя, што ходзяць там па дварах! Зараз жа ўсё зафарбую, цягам паўгадзіны гэтага не будзе!” – усхвалявана зазначыў галоўны інжынер.
ММ, belsat.eu
