Ці можа апазіцыя падтрымаць Лукашэнку?


https://youtu.be/lU_yDQHRjFI
«Калі Лукашэнка за словамі пачынае на справе бараніць нацыянальны суверэнітэт Беларусі, то рэальныя крокі трэба падтрымліваць. Лукашэнка – гэта беларуская з’ява. Як кажуць па-ангельску, «son of a bitch», кажучы па-беларуску – непрыстойны палітык, але ён увасабляе пэўную частку беларусаў», – заявіў у праграме «Гарачы каментар» палітолаг Алесь Лагвінец.

{movie}Ці можа апазіцыя падтрымаць Лукашэнку? Алесь Лагвінец ў “Гарачым каментары”|right|16323{/movie}

Абяцае за ўсіх беларусаў быць разам плячо ў плячо з Пуціным – дакладней, спіна да спіны. Ды заклікае Маскву не баяцца заходніх санкцыяў. Аляксандр Лукашэнка ў час сустрэчы ў Крамлі з прэзідэнтамі Расеі, Арменіі, Кыргызстану і Таджыкістану калі і не нахіляўся ў літаральным сэнсе, то моўныя крэндзелі выкручваў будзь здароў!

Палітолаг Алесь Лагвінец мяркуе, што сённяшняя нарада ў Крмалі з удзелам краінаў-хаўрусніц Расеі – гэта дэманстрацыя сілы і падтрымання цяперашняга курсу Масквы. «Маўляў, ёсць верныя хаўруснікі, і яны па першым знаку адразу прылятаюць», – зазначыў палітолаг у праграме «Гарачы каментар».

Пуцін сабраў сваіх постсавецкіх калегаў, каб, у тым ліку, абмеркаваць сітуацыю ўва Украіне. Між тым сустрэчу можна смела назваць ваеннаю нарадаю Крамля са сваймі ваеннымі хаўруснікамі: адначасова з палітыкамі сваё майстэрства адпрацоўвалі і расейскія вайскоўцы – у час планавага трэнінгу ў нанясенні ядравага ўдару па меркаваным праціўніку.

«Застаецца толькі здагадвацца, чым скончылася гэтая сустрэча з Пуцінам. Магчыма, Лукашэнка атрымаў абяцанне, што Расея раней адмовіцца ад нафтавых мытаў, магчыма – паабяцалі чарговы крэдыт, – гаворыць Алесь Лагвінец. – У 2015 годзе Лукашэнку патрэбныя новыя крэдыты. І ён іх атрымае за «геапалітычную вернасць», за падтрыманне Расеі, за далейшае пераконванне беларусаў рублём у тым, што менавіта ён найбольш эфектыўны кіраўнік».

Глядзіце больш – у «Гарачым каментары».

МЛ, belsat.eu

Глядзі таксама
Каментары