Штаб вярхоўнага галоўнакамандуючага Аб’яднанымі ўзброенымі сіламі NATO ў Еўропе апублікаваў спадарожнікавыя здымкі расейскіх вайсковых падраздзяленняў на мяжы з Украінаю.
Вярхоўны галоўнакамандуючы Аб’яднанымі ўзброенымі сіламі NATO Філіп Брыдлаў (Philip Breedlove), напісаў у «Тўітэры», што «расейскія войскі блізу Украіны цалкам абсталяваныя і здольныя да ўварвання».
На фоне абвастрэння становішча, NATO накіроўвае ў Чорнае мора свае караблі ды фарсіравана нарошчвае сваю ваенна-марскую прысутнасць у рэгіёне. Таксама Альянс робіць часцейшыя аблёты самалётамі АВАКС Румыніі ды Польшчы ў мэтах атрымання інфармацыі пра сітуацыю ўва Украіне.
ДР, belsat.eu паводле www.aco.nato.int