Перамовы кіраўніка расейскага МЗС і ягонага амерыканскага калегі адбудуцца 30 сакавіка ў Парыжы, каб абмеркаваць сітуацыю ва Украіне і планы пра далейшыя кантакты.
Дзеля сустрэчы з Лаўровым кіраўнік дзярждэпартаменту ЗША развярнуў свой самалёт. Керы накіроўваўся з Саудаўскай Аравіі ў Вашынгтон. У нядзелю 30 сакавіка яго чакаюць у Парыжы.
Адпаведную пастанову не вяртацца дадому ён прыняў пасля тэлефоннай гутаркі з Лаўровым. Іхнае размове папярэднічалі тэлефонныя перамовы прэзідэнтаў Уладзіміра Пуціна і Барака Оўбамы. Паводле звестак МЗС Расеі, падчас размовы кіраўнікі дзяржаваў пагадзіліся, што крызіс ва Украіне варта развязваць толькі дыпламатычным шляхам.
ДР, belsat.eu паводле theguardian.com
