Свой варыянт санкцыяў супраць Расеі распрацавала група актыўных украінак.
Дзяўчаты выступаюць пад лозунгамі: «Змагацца з ворагам трэба любым спосабам! Не дай расейцу!», і заклікаюць ўсіх ахвотных адмовіцца ад інтымных стасункаў з расейскімі мужчынамі.
На сваёй старонцы ў «Facebook’у» актывісткі выклалі прынты маек з «фірмовым» лагатыпам – складзенымі далонямі, якія нагадваюць жаночыя плоцевыя органы.
Дзяўчаты падаюць не адзін прыклад таго, як секс-санкцыі прынеслі пазітыўныя вынікі. Пачынаючы з класічнай камедыі Арыстафана «Лісістрата», дзе жанчынам Грэцыі ўдалося спыніць вайну Афінаў і Спарты, да Калумбіі 2000-ых гадоў, дзе сяброўкі наркабандытаў змаглі скараціць забойствы на 26 %.
І прапанануюць далучацца да секс-байкоту дзяўчат з Расеі: «Расейскія жанчыны – не жадаеце далучыцца? Нашыя – пакуль дома, а вось вашыя ўжо на вайне».
ДР, belsat.eu