Кіраўнік Беларусі Аляксандр Лукашэнка прыняў удзел у галасаванні на выбарах у мясцовыя Саветы дэпутатаў 27-га склікання. Лідар дзяржавы прагаласаваў на ўчастку № 1 Вяснянскай выбарчай акругі № 39.
У гэтым участку балатуюцца тры кандыдаты, прычым усе трое – на кіроўных пасадах: Іна Герасімава ўзначальвае Цэнтр сацыяльнага абслугоўвання насельніцтва Цэнтральнага раёну Менску, Ганна Астроўская – дырэктарка сярэдняй школы, а Зміцер Троцкі – бізнесоўца.
Выбарчы бюлетэнь, традыцыйна, кідаў у скрыню малодшы сын Аляксандра Лукашэнкі – Коля. Пасля галасавання кіраўнік Беларусі са сваім нашчадкам завіталі ў буфет.
МЯ, belsat.eu