Бакі завізавалі толькі тыя часткі дакументу агульным аб’ёмам каля 900 старонак, якія датычаць палітычнага ўзаемадзеяння, пытанняў бяспекі ды барацьбы з тэрарызмам.
Першапачаткова падпісаць Пагадненне планавалася на саміце «Усходняга партнёрства» 28–29 лістапада 2013 г. у Вільні, але роўна за тыдзень да гэтага Кабінет Міністраў Украіны на чале з Мікалаем Азаравым прыпыніў працэс, спасылаючыся на цяжкую эканамічную сітуацыю.
Гэтае рашэнне стала адпраўным пунктам масавых пратэстаў ва Украіне, у выніку якіх ўрад сышоў у адстаўку. Напярэдадні паездкі ў Брусель прэм’ер-міністр Украіны Арсеній Яцэнюк заявіў, што кансультацыі аб падпісанні гандлёва-эканамічнай часткі Пагаднення аб асацыяцыі будуць працягнутыя.
АК, паводле ИТАР-ТАСС