На усход Украіны адправілі ваенную тэхніку.
У ноч на 16 сакавіка на тэрыторыю чыгуначнага вакзала горада Арцёмаўск (Данецкая вобласць) прыбыў састаў з бронетэхнікай на вагонных платформах.
У Харкаве прарасейскія актывісты вырашылі правесці народны рэферэндум – раздаюць улёткі, якія нагадваюць бюлетэні.
У Луганску, які таксама размяшчаецца на ўсходзе Украіны, на вуліцах раздаюць паперкі з пытаннямі: Вы давяраеце часоваму в.а. прэзідэнта Украіны і прызначаным ім асобам? Ці падтрымліваеце зніжэнне сацыяльных выплатаў і адмену льготаў па патрабаванні МВФ?
Тым часам у Данецку натоўп скандуе: Расея! Расея!
ОН-ЛАЙН з Данецку
Прыгадаем, што сёння у Крыме праходзіць непрызнаны Кіеву рэферэндум адносна статусу аўтаномнай рэспублікі. У галасаванні ўжо ўзялі удзел больш за палову выбаршчыкаў.
ЮВ, belsat.eu