Былыя ўладальнікі «Рок-кароны» прэзентавалі кружэлку «Мора».
Прэзентацыя песень з новага альбома «Мора», які выйдзе толькі 20 сакавіка – менавіта так гурт «Без білета» вырашыў павіншаваць беларусак з 8 сакавіка і ў гэты дзень правёў адразу 2 канцэрты ў Менску. Новыя песні атрымаліся лёгкімі і па-вясноваму цёплымі.
{movie}Агляд падзеяў культуры|right|15255{/movie}
ВІТАЛЬ АРТЫСТ, ЛІДАР ГУРТА «БЕЗ БІЛЕТА»:
«Вельмі хацелася напісаць добрых песен. І, здаецца, яны атрымаліся проста здораўскія. Варта адзначыць, што «Без білета» цалкам скаціўся ў поп-музыку. Гэта выдатны прадстаўнік і інтэлектуальнай і інітэлегентнай поп-культуры. Я б сказаў, што гэта рэтра-дыска альбом».
Альбом прысвечаны сябрам, якія ўмеюць весяліцца і танчыць, і такіх сабралася поўная заля. Некаторыя прыйшлі на абодва канцэрты.
Альбом «Мора» стаў ўжо шостым альбомам. Папярэдні, пад назвай «Зорка», стаў лідарам продажаў у гурта. Музыкі спадзяюцца, што новая кружэлка заваюе яшчэ большую папулярнасць.
Іншыя навіны: у Гомлі пачаліся курсы «Мова +». «Neuro Dubel» адыгралі канцэрт у дзень народзінаў «самага галоўнага мужыка». У Парыжы паказалі асноўныя трэнды ў майстэрстве татуажу.
Вольга Чайчыц, Марына Вашкевіч, belsat.eu
