Карэспандэнты праграмы «Людскія справы» наведалі вёскі Магілёўшчыны і Гомельшчыны, дзе вада ў студнях атручаная, а калонкі – зламаныя.
Утрыманне нітратаў у калодзежнай вадзе ў беларускіх вёсках утрая перавышае норму. На практыцы гэта азначае атручванне мясцовых жыхароў і павышаную рызыку захварэць на рак.
{movie}”Людскія справы”: Тысячы беларусаў п’юць атручаную ваду|right|14988{/movie}
Жыхары в. Атверніца, што на Магілёўшчыне, набываюць ваду ў бутэльках, каб гатаваць і купаць дзяцей. Хоць, паводле эксперта Цэнтру экалагічных рашэнняў Наталлі Парэчынай, мясцовыя ўлады любымі спосабамі павінныя забяспечыць вяскоўцаў пітною вадою.
Сітуацыя ў з атручанаю вадою ў краіне не змянілася нават пасля трагічных выпадкаў. Апошні з іх – смерць у в. Ліцвінавічы на Гомельшчыне немаўляці, якое атруцілася вадою з высокім утрыманнем нітратаў.
Падрабязнасці – у відэаматэрыяле.
АК, belsat.eu
