Следства мае ісці яшчэ паўгады, але арышт дзейнічае толькі да сярэдзіны красавіка. Да таго часу Уладзіслаў Баўмгертнер застаецца пад хатнім арыштам, абмежаванны ў перасоўванні і кантактаванні з людзьмі. Суд лічыць, што бізнэсоўца можа схавацца ад следства, бо мае нерухомасць і банкаўскія рахункі за мяжой.
{movie}Баўмгертнер застанецца пад хатнім арыштам|right|14853{/movie}
Яшчэ ў снежні летась Уладзіслаў Баўмгертнер пакінуў кіроўную пасаду ва “Уралкаліі”. У пэўным сэнсе кампенсацыяй за страту пасады і свабоды для Баўмгертнера магла стаць салідная грашовая сума. Газета Ведамасці падлічыла, што ягоная кампенсацыя пры звальненні з “Уралкалія” магла скласці дванаццаць міліёнаў долараў.
Пасля экстрадыцыі расейскага калійніка з Менску ў Маскву, Генеральная пракуратура Беларусі аднак спадзяецца атрымаць кампенсацыю за страты праз грамадзянскі пазоў да Баўмгертнера.
У лютым адбыліся перамовы паміж кіраўніцтвам Беларуськалія і Уралкалія. Першыя з моманту арышту Баўмгертнера. На іх абмяркоўваўся канчатковы выхад расейцаў з Беларускай калійнай кампаніі. Канфлікт паміж абрынуў кошты на рынку калійных угнаенняў.
Цяпер Уралкалій паступова выраўноўвае кошт на сваю прадукцыю на міжнародным рынку, хаця былыя кошты яшчэ не дасягнутыя.
Беларускія калійнікі ў лютым сканцэнтраваліся выключна на экспарце і спынілі пастаўкі ўгнаенняў на ўнутраны рынак. Гэта тлумачыцца запазычанасцю прадпрыемстваў перад Беларуськаліем.
Аліна Радачынская, Белсат, Масква