Мясцовыя жыхары хацелі правесці «Slonim Snow party» – пакоўзацца вялікаю кампаніяй з гары. На месца «насанкцыянаванага коўзання» прыехалі міліцыянты і затрымалі некалькі асобаў.
Як паведамляе «Газета Слонімская», а 13 гадзіне з горкі коўзаліся трое маладзёнаў, якіх міліцыянты забралі ў пастарунак. Таксама затрымалі некалькі асобаў, што праходзілі побач. Затрыманне і «несанкцыянаванае коўзанне» міліцыянты здымалі на відэа.
Праваахоўнікі патлумачылі журналістам «Газеты Слонімскай», што гэткім чынам яны перадухілілі правядзенне несанкцыянаванага масавага мерапрыемства.
МЛ, паводле «Газета Слонімская»
