{movie}Маці забітага на Майдане беларуса: чалавечы боль успрымаў як свой |right|14415{/movie}
22 студзеня 25-гадовы Міхаіл Жызнеўскі стаў ахвяраю сутыкненняў на вуліцы Грушэўскага ў Кіеве. Ён атрымаў агнявое раненне ў сэрца.
Хлопец быў ахоўнікам на Майдане. «Я яго добра разумею. Ён чалавечы боль успрымаў як свой і прапускаў праз уласнае сэрца. Усё хацеў, каб на Зямлі быў мір і спакой», – гаворыць Ніна Жызнеўская.
Жанчына гаворыць, што ва Украіне Міхаіл працаваў і служыў у царкве. Пасля войска хацеў пайсці ў духоўную семінарыю.
«Чаму Міша там апынуўся? Каб людзі жылі ды не лічылі гэтых жабрацкіх грошай. Ён загінуў за людзей. Ён хацеў дабра… а не атрымалася, сам загінуў», – тлумачыць спадарыня Ніна.
МЛ, belsat.eu