Вырабленая 2300 гадоў таму грэцкая урна, у якой захоўваюцца парэшткі выбітнага псіхааналітыка і ягонай жонкі Марты, была пашкоджаная.
Паліцыя Лондану шукае злачынцаў, якія паспрабавалі скрасці з крэматорыю «Golders Green» прах Зігмунда Фройда, паведамляе «Associated Press».
Вырабленая 2300 гадоў таму грэцкая урна з парэшткамі псіхааналітыка і ягонай жонкі Марты, была пашкоджаная невядомымі, якія, па ўсёй верагоднасці, залезлі ў крэматорый 2 тыдні таму.
Пасля інцыдэнту адміністрацыя крэматорыю заявіла, што скрыня цяпер перабывае ў бяспечным месцы.
Аўстрыйскі псіхааналітык Зігмунд Фройд пераехаў у Вялікую Брытанію ў 1938 годзе пасля таго, як Аўстрыя перайшла пад кантроль нацысцкай Германіі. У верасні 1939 года вучоны памёр.
Апроч Фройда, у крэматорыі «Golders Green» праходзілі пахаванні шмат якіх брытанскіх знакамітасцяў, сярод якіх аўтар «Дракулы» Брэм Стоўкер і спявачка Эмі Ўайнгаўc.
ЮВ, паводле «Associated Press»