{movie}Дэніс Родмэн заспяваў Кім Чэн Ыну|right|14148{/movie}
Паводле паўночнакарэйскіх дзяржаўных медыяў, гэткія паводзіны Родмэна “адлюстроўваюць павагу і любоў да Кім Чэн Ына”. Акрамя таго, адбыўся баскетбольны матч з удзелам зоркі NBA і паўночнакарэйскіх баскетбалістаў.
Візіт Дэніс Родмэна і некаторых іншых былых гульцоў NBA ў Паўночную Карэю выклікаў хвалю крытыкі ў медыях ЗША. Тое, што баскетбаліст выканаў “Happy Birthday” нагадвае, як знакамітая Мэрылін Манро заспявала на дні народзінаў Джона Кенэдзі, які быў вялікім прыхільнікам дэмакратыі ды захавання правоў чалавека.
{movie}Мэрылін Манро спявае для Кенэдзі|right|14149{/movie}
Перад сваім ад’ездам у Паўночную Карэю Родмэн заявіў, што не мае намеру размаўляць з Кім Чэн Ынам аб праблемах захавання правоў чалавека ў гэтай краіне, калі толькі той сам не завядзе пра гэта гаворкі.
Кім Чэн Ын атрымаў уладу ў 2011 годзе, пасля смерці свайго бацькі. Цяпер ён займае пасаду найвышэйшага кіраўніка КНДР, а таксама мае афіцыйныя тытулы “Бліскучы таварыш”, “Новая зорка” і “Геній сярод геніяў у вайсковай стратэгіі”.
МЛ, belsat.eu
