Зайздросна, таксама б хацелася $ 15 мільярдаў, кажуць беларусы.
Летась у канцы снежня прэзідэнт Расеі Уладзімір Пуцін заявіў аб выдзяленні Беларусі ды Украіне крэдытаў на суму $ 2 млрд і 15 млрд адпаведна. Ці не абразіліся беларусы, што Кіеў атрымае нашмат больш шчодрую фінансавую дапамогу Масквы? І з чым звязанае такое нераўнамернае размеркаванне «пернікаў»?
{movie}Ці зайздросцяць беларусы Украіне, якая атрымала ад Расеі $ 15 млд? |right|14063{/movie}
Можа, за прыгожыя вочы ўсё ж такі далі, прапанавала сваю версію спадарыня. Нехта казаў і пра тое, што ў Беларусі – стабільнасць, і эканоміцы не трэба шмат грошай. Ва Украіне, мяркуюць некаторыя з менчукоў, – рэвалюцыя, то бок у іх горш і падтрыманне патрэбна большае.
«Ва Украіне пераломны момант цяпер. Расея хоча, каб Украіна ў яе склад уваходзіла, падтрымлівала яе палітычнае меркаванне. Таму яны ім дапамагаюць больш, чым нам», – выказаўся адзін з мінакоў.
Можа, у Расеі думаюць, што беларусы ўсё перацерпяць або прэзідэнт Беларусі менш красамоўны, чым кіраўнік Украіны, – прагучалі чарговыя версіі.
Больш – у відэаматэрыяле.
МЯ, belsat.eu
