{movie}Гісторык Анатоль Трафімчык высветліў, ці думалі Ленін і Сталін пра Беларусь|right|13987{/movie}
«Тое, што так супала, гэта яшчэ і лепей, бо юбілей савецкай дзяржаўнасці, а кніжка якраз ёй прысвечаная… Варта звярнуць увагу на аспект, вынесены ў гэтай кнізе – на стаўленне маскоўскага бальшавіцкага кіраўніцтва да беларускай дзяржаўнасці. Матэрыялаў у навуковы зварот уведзена процьма, але ніхто не сканструяваў карціны менавіта гэтага стаўлення», – распавядае сам даследчык.
Кніга «Ленін і Сталін думае пра Беларусь» стала ўжо дзясятай у серыі «Бібліятэка «Беларускі калегіюм», у якой выдаюцца працы айчынных інтэлектуалаў. Рэдактар серыі Валянцін Акудовіч кажа, што ў гэтым даследаванні разбіваецца шэраг міфаў.
«Адзін з іх у тым, што і Ленін, і Сталін былі заангажаваныя ў Беларусь як такую. Якраз спадар Анатоль даводзіць праз аналіз дакументаў і ўчынкаў савецкага кіраўніцтва, што ўласна Беларусь ім была абсалютна непатрэбная», – адзначыў галоўны рэдактар серыі Валянцін Акудовіч.
Кніжная серыя «Бібліятэка «Беларускі калегіюм» будзе папаўняцца і надалей. Свайго выхаду чакае кніга Валянціна Акудовіча.
Іншыя тэмы: Паўла Супаненку ўзнагародзілі за найлепшае відэа, прысвечанае беларускай мове, па выніках онлайн-конкурсу відэаролікаў «Крок наперад». Музычны калядны салон зладзілі для магілёўцаў музычны дом «Класіка» разам з віленскім ансамблем старадаўняй музыкі «Кантабіле». Гурт «Амарока» зрабіў сваім аматарам навагодні падарунак – кліп з удзелам беларускай спартоўкі Алены Талай.
Сяргей Будкін, Адэля Дубавец, «Навіны культуры»
