Сустрэча прысвечаная трэцяй гадавіне падзеяў на плошчы Незалежнасці ў Менску – мірнай дэманстрацыі супраць фальсіфікацыяў на прэзідэнцкіх выбарах 2010 года і яе жорсткага задушэння ўладамі Беларусі.
У ходзе абмеркавання будуць развязвацца наступныя пытанні : палітычная сітуацыя і стан правоў чалавека ў Беларусі, адносіны ЕЗ–Беларусь і салідарнасць міжнароднай супольнасці беларусаў.
На канферэнцыі будуць прысутнічаць:
– Агнешка Рамашэўская-Гузы, дырэктарка тэлеканала «Белсат»,
– Марэк Мігальскі, дэпутат Еўрапарламенту, чалец дэлегацыі ў сувязях з Беларуссю,
– Андрэй Саннікаў, кандыдат на выбарах прэзідэнта Рэспублікі Беларусь у 2010 годзе, лідар грамадзянскай кампаніі «Еўрапейская Беларусь»,
– Наталля Радзіна, галоўны рэдактар сайту «Хартыя’97».
Канферэнцыя будзе праходзіць 18 снежня 2013 (серада) у Варшаўскім універсітэце, у аўдыторыі B «Auditorium Maximum» (Кракаўскае прадмесце, 26/28). Пачатак а 18:30.
Арганізатары сустрэчы: навуковае кола «Ars Politica» ды інтэрнэт-парталы «Усходні карэспандэнт» («Korespondent Wschodni») і «Новая паліталогія» («Nowa Politologia»).
Партнёры ды інфармацыйнае падтрыманне канферэнцыі: сайт «Хартыя’97», грамадзянская кампанія «Еўрапейская Беларусь», часопіс «Новая Усходняя Еўропа» («Nowa Europa Wschodnia»), тэлеканал «Белсат».
К.Р., А.К., belsat.eu
