Падчас канцэрту гурта „Ляпіс Трубяцкі” двое адважных маладзёнаў залезлі на шпіль аднаго з самых высокіх будынкаў пры Майдане незалежнасці ў Кіеве, каб усталяваць там беларускі і ўкраінскі нацыянальныя сцягі.
Смеласць хлопцаў выклікала крыкі захаплення сярод удзельнікаў Еўрамайдану. Маладзёны, пабачыўшы, што іх вычын заўважылі, не ўстрымаліся, каб не павыгінацца на даху пад музыку „Ляпісаў”.
“Кожнага, хто салідарны нам, прыме, накорміць, сагрэе Майдан”, – віталі расцяжкаю па-беларуску ўкраінскія ўдзельнікі Еўрамайдану беларускі гурт (Фота з “Фэйсбуку” Андрэя Зялінскага – андрей zelinsky).
Максім Ярашэвіч, belsat.eu
