{movie}«Тапелец» схапіў за руку вадалаза-ратаўніка |right|13533{/movie}
Буксір «Jascon-4» патануў за 30 кіламетраў ад берагу Нігерыі падчас моцнага шторму. Кок Гэрысан Акенэ (Harrison Okene) ў гэты момант быў у гальюне. Ён спрабаваў выбрацца адтуль, што не ўдалося, але адзіны з чальцоў экіпажу ўратаваўся дзякуючы «паветранаму пузыру», які ўтварыўся ў тым месцы, дзе быў кок.
У сваім «пузыры» без ежы ды вады марак быў амаль трое содняў. Пасля свайго ўратавання ён распавёў журналістам, што ўжо не спадзяваўся выжыць. Надзея ўзнікла праз 60 гадзінаў пасля катастрофы – ён пачуў, як на карабель заплыў вадалаз. Потым пабачыў у вадзе прамень святла і працягнуў да яго рукі.
Вадалазы-ратаўнікі спусцілі пад ваду яшчэ адну кіслародную маску, шлем і камізэльку, – Гэрысана ўдалося ўратаваць. Аперацыю ратавання экіпажу затанулага карабля праводзілі некалькі месяцаў таму, аднак поўнае відэа з камеры вадалаза-ратаўніка, што знайшоў Гэрысана Акенэ, апублікавалі толькі цяпер.
МЛ, belsat.eu