Даля Грыбаўскайце растлумачыла, чым Еўразвяз лепшы за мытныя і гандлёвыя саюзы


«Еўрапейскі Звяз заўсёды быў саюзам каштоўнасцяў – гэтым ён прынцыпова адрозніваецца ад любога іншага эканамічнага ці гандлёвага звязу ва ўсім свеце», – заявіла прэзідэнт Літвы Даля Грыбаўскайце падчас адкрыцця канферэнцыі грамадзянскай супольнасці ў межах «Усходняга партнёрства».

{movie}Даля Грыбаўскайце растлумачыла, чым Еўразвяз лепшы за мытныя і гандлёвыя саюзы|right|13506{/movie}

«Еўрапейцы ніколі не ставілі пад сумнеў такія рэчы, як правы чалавека, свабодныя выбары і свабодныя медыі, вяршэнства законаў і плюралізм грамадства. Бо гэта падмурак, на якім будуюцца адносіны паміж людзьмі ды супраца паміж краінамі», – сказала прэзідэнт Літвы.

Паводле Далі Грыбаўскайце, гэтыя каштоўнасці «не былі б такімі яркімі і яснымі» без актыўнага грамадства. «Людзі, а не органы ўлады, – галоўныя рухавікі жыцця грамадства. Дзяржава – нішто без сваіх грамадзянаў ды іхных інтарэсаў», – падкрэсліла палітык, дадаўшы, што еўрапейцы адчуваюць адказнасць за сваіх суседзяў.

Прэзідэнт Літвы заклікала краіны «Усходняга партнёрства» працягваць рэформы ды «прамаўляць гучна», калі ўлады «пачнуць дзеяць безадказна».

Зміцер Ягораў, belsat.eu
https://youtu.be/YugNvoBr0f4

Глядзі таксама
Каментары