{movie}Навіны культуры|right|13386{/movie}
«Гэта опера кароткая, гэта не трагедыя, яе лёгка ўспрыняць, праз яе лёгка прыйсці да класічнай музыкі. Наша опера, як прыступка для тых, хто хоча падрыхтаваць сябе да класікі. І гэта эксклюзіў для Беларусі, бо на беларускай мове яна гучыць упершыню», адзначыла рэжысёр-пастаноўшчык Алёна Медзякова.
Прэм’ера «Verbum Nobile» ў Беларусі адбылася ў траўні ў сталіцы. Як тады адзначылі пастаноўшчыкі оперы, водгук быў моцны, і справу варта было працягнуць. Сусветная ж прэм’ера оперы Манюшкі адбылася яшчэ ў 1861-м у Варшаве, дзе ў той час кампазітар жыў і працаваў. Пазней оперу ставілі ў Польшчы і Расеі, на радзіме ж кампазітара яе не выконвалі ніколі. У цэнтры лірычна-камедыйнай оперы – каханне і змаганне з забабонамі часу.
«Нам вельмі спадабалася, і музыка, і спявалі добра», – цешацца глядачкі пажылога веку.
«Гэта дае спадзеў, што нешта ў нашай Беларусі адраджаецца. Што яшчэ прыйдзе час», – рэфлексуе глядач оперы.
Наступны паказ камернай оперы адбудзецца 24 лістапада на сцэне Палацу культуры прафсаюзаў у Менску.
Іншыя тэмы: На прэзентацыю альбому Тацяны Беланогай «Святло і цені» прыйшла рэкордная колькасць гледачоў. Караткевіча чыталі па-польску і па-нямецку на вечарыне «Караткевіч International» у межах фестывалю «Лятучы стол Караткевіча». Фотапраект «Масала» Алесі Філіпавай рэпрэзентавалі ў Музеі сучаснага выяўленчага мастацтва.
Адэля Дубавец, «Навіны культуры»